Privacy Policy

Last updated: July 2026

Sabse zaroori baat: aapka business data aapke apne computer pe rehta hai. ProfitPulse offline chalta hai — aapki Meesho files, sales, cost, customer aur profit kabhi humare paas nahi aate. Sirf licence kharidte waqt thodi si jaankari aapke PC se bahar jaati hai.

1. Aapka business data aapke computer pe rehta hai

Jo bhi aap import karte ho — orders, returns, payments, product cost, spreadsheets — sab aapke apne PC pe read aur store hota hai, aur app ki har report bhi. Humein iski copy nahi milti; koi server nahi jahan aapki sales, cost, customer ya profit rakhi ho. App ka data folder delete kiya to wo data sirf wahin tha, aur chala gaya.

2. Licence kharidte waqt kya lete hain

Aapka naam, email aur phone / WhatsApp number — checkout pe hamare payment provider Razorpay lete hain, taki payment ho sake aur receipt mile.
Aapke PC ka Device ID — activation key banane ke liye jo usi ek computer se locked hoti hai. Ek licence = ek computer.

3. Email ka use

Email sirf aapki licence key aur payment se judi mail (jaise receipt) bhejne ke liye — Resend (hamara email provider) ke through. Kisi marketing list me nahi daalte.

4. Payment aur card details

Card aur UPI details poori tarah Razorpay handle karta hai. ProfitPulse unhe kabhi dekhta ya store nahi karta — wo app ya hum tak kabhi nahi aate.

5. Analytics — koi nahi

Ye website static pages se bani hai. Ispe koi analytics nahi, koi page-view counting nahi, koi advertising tracker nahi, koi tracking cookie nahi. Yahan koi aapko dekh nahi raha.

6. App internet kab use karta hai

ProfitPulse sirf do cheezon ke liye internet use karta hai: licence valid hai ya nahi, aur nayi version aayi hai ya nahi. In dono me aapka business data nahi bhejta.

7. Jo hum kabhi nahi karte

Aapka business data kisi server pe kabhi upload nahi karte.
Aapka data marketing ke liye kabhi bechte, rent ya share nahi karte.
Koi ads nahi, koi advertising tracker nahi.
Aapka Meesho password ya login kabhi nahi maangte, na store karte.

8. Kitne time tak rakhte hain, aur aapke haq

Aapka purchase record — naam, email, phone aur Device ID — tab tak rakhte hain jab tak licence ko zaroorat ho aur jab tak Indian tax/accounting rules kehte hain. Aapka business data kitna rakhna hai wo poori tarah aapki marzi — wo aapki machine se bahar jaata hi nahi. Email karke pooch sakte ho kya rakha hai, theek karwa sakte ho, ya purchase record delete karwa sakte ho — dhyaan rahe delete karne pe licence bhi khatam ho jata hai (wo isi record se juda hai).

9. Bachche

ProfitPulse ek business tool hai, 18 saal se kam umar ke liye nahi, aur hum jaan-boojh ke unse koi jaankari collect nahi karte.

10. Contact

Data ke baare me sawal? Email support@sellerprofitpulse.com — insaan padhta hai. ProfitPulse CYLONE AND SONS dwara publish kiya jata hai.