Main khud Meesho seller hun. 4 firms, 2000+ listings, roz ka operations. Har mahine Meesho se lakho ka payout aata tha — aur har mahine wahi sawal: "kya main sach me paisa kama raha hun?"
Payout dikh raha tha, profit nahi. Excel me raat bhar formulas banaye — settlement match karo, returns ginon, packaging ka kharcha jodo, ads minus karo. Ek formula toota to poora mahina galat. Aur jab supplier ne dibbe ka rate badla, to 200 catalogs ki costing haath se update karni padti thi.
To maine apne liye ek tool banaya. Meesho ki apni files se — Payments, Orders, Returns — paisa-paisa hisaab: har SKU ka asli profit, returns ka asli nuksaan, combo ki asli cost. Rupee-tak reconciled. Sab kuch mere apne computer pe, kisi cloud pe kuch nahi.
Pehli baar mujhe pata chala kaunsi listing kama rahi hai aur kaunsi kha rahi hai. Kuch listings band ki, kuch ke rate badle — profit sach me badha, andaze se nahi, hisaab se.
Phir laga — ye problem sirf meri nahi hai. 80% Meesho sellers pehli baar online bech rahe hain. Unke paas CA ka budget nahi, Excel ka time nahi. Isliye wahi tool ab aapke liye hai — poora Hinglish me, bina jargon ke, ₹1 me try karne ke liye.
